» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1873

Valentinus [RULANDT] to Ioannes DANTISCUS
Löbau (Lubawa), 1538-07-13
            received [1538]-07-16

Manuscript sources:
1fair copy in Latin, autograph, AAWO, AB, D. 68, f. 185

Prints:
1UBC No. 948, p. 797 (in extenso; German register)

 

Text & apparatus & commentaryPlain textText & commentaryText & apparatus

 

AAWO, AB, D. 68, f. 185v

Reverendissimo in Christo Patri et Domino, domino Ioanni Dei gratia episcopo Warmiensi, dignissimo domino meo semper clementissimo

AAWO, AB, D. 68, f. 185r

Obsequis meis indefessis et exhibitione honoris semper praemissis.

Reverendissime in Christo Pater et Domine, domine semper clementissime.

De Vestrae Reverendissimae Paternitatis salvo in patriam reditu plurimum ex animo gaudeo. Maius certe fuisset mihi et omnibus nobis gaudium, si ad nos divertisset. Iam enim nonnulli ex civibus se parabant cerevisia, partim Gdanensi, partim Lubaviensi, ad invitandum Reverendissimam Paternitatem Vestram. Ego etiam habebam tonnam Lubaviensem, quae in Martio fuit cocta, quam Paternitati Vestrae Reverendissimae, sicut domino meo clementissimo, domino Georgio, domino Gregorio dispensatori et etiam aliis dominis et aulicis propinare et large exhibere volui. Reverendissima Paternitas Vestra dignetur bonam meam voluntatem accipere pro facto ipso.

Hoc etiam Vestram Reverendissimam Paternitatem latere nolui. Bene me ex gratia Dei habere apud dominum meum gratiosum. Expensas mihi dat cum capellano, assideo cotidie mense Reverendissimae Paternitati suae. Non habet tantam familiae copiam neque tantos facit sumptus, perinde atque Reverendissima Paternitas Vestra arcem raro egreditur, domi semper delitescit. Constituit tamen tempore suo plura aedificare ad omnia alioqui occulatus, de omnibus curiosus. Haec, quae Paternitati Vestrae Reverendissimae scribo, scripsi profecto quasi in aurem. Et si quando per occasionem licuerit, dignetur mihi ex gratia sua singulari on the margin⌈ex gratia sua singulariex gratia sua singulari on the margin⌉ ampliorem gratiam apud suam Reverendissimam Paternitatem comparare.

Et cum iis me Reverendissimae Paternitati Vestrae sicut clementissimo patri, cui propter beneficia plurima, quibus me afiecit, multum debeo, humillime commendo, cum dulcissima Vestrae Reverendissimae Paternitatis parente et tota amicorum cohorte, imprimis honestissima virgine Catharina.

Dat(ae) or Dat(um)⌈Dat(ae)Dat(ae) or Dat(um)⌉ Lubaviae, ex aedibus meis XIII Iulii anno 38

Eiusdem Reverendissimae Paternitatis Vestrae obsequentissimus capellanus Valentinus, parrochus Lubaviensis