Macz Platnn.

Unsernn etc.

Simon, unser ohmm, hot uns Ewer schreibnn mit dem probe der farbenn zu geschickt, welche, ab sie nicht so gut ist, / wie die zugeschickte, / so bedarff dennoch unser molerr solcher farbenn unsere gemecher etliche zu zeirenn. / Wolt derwegen, / wie ir geschribnn, solche farbe kouffen / und mit dem wein hieher schicken. / Wir werden hie und bey unser kirchenn zur Frawenburg biss noch den pfingsten vorczihenn. / Mit demm lied hots nicht eil, / das wir derhalbnn geschribenn / ist geschen zu wissenn, / ab ir das het uberkomenn. / Hiemit Gote befolenn. Grust Ewer hausfrau, / der kussen wir in Gots ehre disse heilyge tage werden gebrauchen / und mit der zceit ir vorgelten. /

Datum aus unserm slosse Braunsberg, den XXIX Maii M D XLI.

Disse beygebundenen brive wolt ane seumenn austeilenn und antwurt bittenn, / das wir vor negstkomenden freytag der den selbtigenn [ta]g mussen habenn. / Hirinne ermant hernn Hansenn von Werdenn, / das er bey eim ersam rodt / disse sache helffe furdernn, domit wir uff gemelte zceit antwurt mugenn erlangenn, / das ir durch Hans Holsten knecht mit den ersten an uns werdet fertigenn.