BCz, 1599, p. 586

Reverendissimo in Christo Patri et Domino, domino Ioanni Dei gratia episcopo Varmiensi, domino fratri et maiori plurimum observando

BCz, 1599, p. 583

Reverendissime in Christo Pater Domine, frater et maior observande. Salutem et studiosam mei commendationem.

Cum comitiorum nostrorum tempus iam instet, ad quae Reverendissima Dominatio Vestra profectura non ita multo utetur flexu, si huc Lubaviam ex itinere diverterit, rogo ipsam, dignetur me hic in nido meo invisere ac periculum facere, quam probum agam patrem familias. Afferet mihi Reverendissima Dominatio Vestra iucundum atque gratissimum hospitem, scientem in rebus tenuibus parsimoniam non contemnere. Non erit inconveniens, ut Sabbato ante Sancti Michaelis ferias Reverendissima Dominatio Vestra huc adveniat, Dominicum posterum diem festum letumque hic mecum agat, sequenti die Plovesium se recipiat, quo ego die Sancti Michaelis essem subsecuturus. Dignetur me Reverendissima Dominatio Vestra certiorem per litteras suas facere, quid ea in re sperare debeam. Mors reverendissimi domini archiepiscopi Gneznensis variam afferet in regno mutationem. Utinam in melius. Reliqua in mutuum colloquium, quod Dominus Deus felix faustum concedat, Vestramque Reverendissimam Dominationem annosae incolumitati servet precor. Cui me cupio intime esse commendatum.

Dat(ae) or Dat(um)⌈Dat(ae)Dat(ae) or Dat(um)⌉ Lubaviae, die VI Septembris, anno etc. XLV.

Reverendissimae Dominationis Vestrae studiosus et obsequens Tidemannus episcopus Culmensis