Unsernn fruntlichnn grues und alles gutte zuvorann. Edler, wolgebornerr herr, besonder liber freundt. /

Es ist uns gestrigs tags in unsermm auszcoge vor vil woltaten mit futter, / getrencke, fleisch und fisch uns bewisen / Ewer Herrlichkeit muntlich zu danckenn entfallenn, / der wegen wir nicht habnn mugen nochlossen, / weil wir bisherr gelanget / solchs schrifftlich zuthun, / und dis dis unser schreibnn an Ewer Herrlichkeit lossen erghen, / der wir vor alle freuntliche voreherung und guttenn willenn uns erczeget / mit billichemm fleis dancken / mit erbittenn / , / solchs freuntlicheit / in einemm vil grossernn ummb Ewer Herrlichkeit und die irenn zu beschuldenn. Welchs wir aus danckparemm gemuet Ewer Herrlichkeit, / die wir gotlichnn gnaden befhelenn, / nicht habenn mugenn vorhalten. /

Datum Tiffenaw, den V Octobris M D XLIII.