Unsernn etc.

Wir schicken Euch hie bey dissem unsermm diner VI marcen bittend, wold dar vor kowffen, was im eyngelegten zcedel beschriben. [W]erdet ir was [da]r uber aus[ge]bn, sol Euch [zu] Dancke wider werdennn. Uns ist fast unlieb gewest, das Simon Hannow, unser oem, dy XV marcen dem goltsmide so lange ungeczalt, / ouch uns unangeczeigt gelossen, / wold uns derwegen bey Euch und gedochtem goltsmide entschuldiget habennn. / Wir sein nicht gern, / so wirs mugen bessern, / schuldig, / nemlich den, die des iren teglich bedorffen etc. Was ir ouch von newen czeitungen werd habenn, / nemlich wie es ist umb den konigk von Suedenn und den fried zcwischen Holstnn und Lubschen / und sunst etc. wolt uns mitteilen. Gothe dem almechtigen mit den Ewrenn befholenn.

Datum aus unsermm slosse Lobau, den IX Marcii M D XXXVI.