Dyser(r) unser underthann, / pringer ditz, ⌊Georg(?) Lemmckenn⌋, / hat uns klagende zuvornhemenn(n) gebenn, / wy vor etlichenn, lang vergangen iharenn eynner mit nhamen ⌊Hans Strawbing⌋, E(wer) Er(barkei)t mitburger gewest, / thotlich yst abgangen, / und nachmals sein nachgelassen ⌊eheweyb⌋ dyser unser underthann noch christlicher einsatzung und ordnung zu eynnem ehegatthenn uberkomen, / und des vorstorbenen als seynnes vorfharnn(n) kinder, ein ⌊knab⌋ und ⌊meydlein⌋, / wy er antzeygt, / auss den guthernn und hawse, / so vyl ihn zustandig, / rechtlich geweyst und volgen lassenn, / im haus auch biss inss zende ihar gewonet, / und in dy dreyhundert marck dorein vorbawet und gebessert. / Und noch absterbung der ⌊kinder⌋ ⌊mutter⌋ / hat er das haus vorkaufft, / und etwan tewer, dan er es von den kindern bekomen, / gegeben. / Nhun wyl der ⌊son⌋, / als der, der negst zum kauff ist, / dass angetzeyt hawss selbst behalden, / und im nicht mher, / dan wy er es zuvorn von ihm und seyner(r) ⌊swester⌋ bekomen, / betzalenn, / und was er darein vorbawt hat nichts erstathenn(n), / uns derhalben umb vorschrifft an E(wer) Er(barkei)t demuetiglich gebethenn, / die wir ihm uff sein byllich forderung nicht haben wyssen abtzuschlagen. / Und yst unser freuntlich synnen und byt, E(wer) Er(barkei)t wol ihm in dem, / und inn allem worzu er recht hat, behulfflich von unsern wegenn(n) erscheynnen(n), / uff dass er in weytterer unkost nicht vorthew(?)fft wurde. / Dass 
APG 300, 53, 267, p. 60 sein wir umb E(wer) Er(barkei)t, dy wir Got in sein gnad befelhen, in gleichen und mherern(n) fhal zu beschulden geneygt. /
APG 300, 53, 267, p. 62
APG 300, 53, 267, p. 59
APG 300, 53, 267, p. 60 sein wir umb E(wer) Er(barkei)t, dy wir Got in sein gnad befelhen, in gleichen und mherern(n) fhal zu beschulden geneygt. /