APG 300, 53, 268, p. 32

Den ersamen und namhafftigen herren burgermeister und rathman der koniglichn stadt Dantzig, / unnsern besonndern, guthenn freunden.

APG 300, 53, 268, p. 29

Unsern freuntlichen grus und alles guttes zuvoran. Ersame, namhafte hern, besondere, guthe freunde. /

Wir haben neben E(wer) E(rbarkei)t schreiben die funffzig marg heutigs tags erhalten / und alsbald desselbten / hie dan mitsampt dem andern / und dem brieff von E(wer) E(rbarkei)t an den hochwirdigen hern bischoff von Chelm, des reichs undercantzler etc. geschickt, / doran ir seiner liebd sonder zweiffel ein dancklich wolgefallen wert gethan haben. / Es hette aber wol gestanden, das die ersamen von Thorn jungster abrede nach / das ire dobei gelegt, / von den wir widder geld nach schrifft bisher bekommen. /

Was den Hans Holstenn belangt, / wolle wir im E(wer) E(rbarkei)t schreiben anzeigen, / der sich dornach wol wirt wissen zurichten. / Got in sein gnad bevolhen. /

Dat(um) aus unserm schlos Braunsberg, den III Iunii MDXLI. /

Joannes, von Gots gnaden bischoff zu Ermelandt

Das E(wer) E(rbarkei)t uns zu sonderlichen ehren / und dinstlichem gefallen Hans Holsten das geleit erstreckt, / haben wir zu danck vornohmmen / mit erbietung, das gegen E(wer) E(rbarkei)t widderumb freuntlich zubeschulden. /