Letter #4764
Tiedemann GIESE to Ioannes DANTISCUSFrauenburg (Frombork), 1537-12-26
| received [1537]-12-27 Manuscript sources:
Auxiliary sources:
| ||||||
Text & apparatus & commentaryPlain textText & commentaryText & apparatus
AAWO, AB, D. 2, f. 101vReverendissimo in Christo Patri et Domino, domino Ioanni Dei gratia episcopo Culmensi postulatoque Varmiensi etc., domino meo colendissimo stain⌈[dissimo]dissimo stain⌉ plurimumque observando stain⌈[vando]vando stain⌉
Reverendissime in Christo Pater et Domine colendissime.
Post signatum aliarum litterarum fasciculum succurrit mihi, de quo Reverendissimam Dominationem Vestram admonere operae pretium videbatur. Quandoquidem de redimendo censu, quem antecessor Reverendissimae Dominationis Vestrae ex pretio Scharfau reliquo sibi servaverat, nunc agitur. Cuius census terminus ad ferias Sancti Bartolomei est constitutus. Potest Reverendissima Dominatio Vestra illum quoque censum exigere, qui ex mille aureis Ungaris mihi numeratis debebatur, videlicet marcas trecentas parvas, nam diu post lapsum terminum ea solutio mille aureorum facta est. Pro restanti nunc eximenda summa sorte suus etiam census debetur, qui annuum excedit quattuor mensibus. Venerabile capitulum de accipienda sorte sibi debita cum censu iam mandatum mittit. Non ausum remittere illorum quattuor mensium censum, nisi viderit id a Vestra quoque Reverendissima Dominatione Vestra fieri. De quo si ipsa voluerit aliquid ad capitulum referri, mihi scribere dignabitur.
Commendo me iterum atque iterum eidem Reverendissimae Dominationi Vestrae. Quam Dominus servet vigentem.
Frauenburgi, die Sancti Stephani 1538.
Eiusdem Reverendissimae Dominationis Vestrae deditissimus servitor et sucessor Tidemannus Gise