GStA, PK, HBA, C 2, No 75, f. 2v

Dem durchlauchten, hochgebornen fursten und hern, hern Albrecht(en), marggraf(en) zcw Brandenburgk etc. / und hercz paper damaged⌈[z]z paper damaged⌉og(en) in Prewssenn, / unserm grosgunstigen, lieben hernn und freunde /

GStA, PK, HBA, C 2, No 75, f. 1r

Durchlauchter, hochgeborner furst, grosgunstiger, lieber her unnd freundt. / Unsere freuntliche, willige dienst zuvoran. /

Wir haben negst durch unsern diner E(wer) Ir(barkei)t uff unser schreÿben antwurt entfhangen / und bedancken uns hochlich / der besunderen gunst, / die uns E(wer) Ir(barkei)t ins erste, was die schuldener der armen unsers spitals / und das bauholcz zcw unser kÿrchen belangt, / freuntlichen bewisen. / Wollen ouch mit allem fleis daran sein, / das wir gen E(wer) Ir(barkei)t mit keiner undanckparheit u(m)mer mugen vormerckt werden etc.

Es hot uns ouch der achtpar h(e)r doctor Reÿnek E(wer) Ir(barkei)t vornemen, / die zwsamne ko(m)mung zw Posen etc. entdeckt, / das wir fast erfreuet. / Hoffen ouch, das durch E(wer) Ir(barkei)t solcher erlicher / zw gut ko(nigliche)r m(aieste)t, unserm allerg(nedigs)t(en) / hern, / und uns allen nuczlicher handel / muge vort superinscribed⌈tt superinscribed⌉gestelt werden / unnd E(wer) Ir(barkei)t vil grosser gunst und lieb wirt machenn. /

In korcz beigewichnen tagen hot uns hie Pawl Fasolt unsers gunstigen hern und frundes, bischoffs zw Krakau, briff geantwurt, / im welchen sein lieb uns vor in schreibt / und begert, / das wir uff negsten sant Bartolmes tag[1] im beÿ E(wer) Ir(barkei)t furderlich wolten sein, / das wir seiner l(iebst) nicht mugen vorsagen, / die weil wir zuvor beÿ E(wer) Ir(barkei)t uns haben beflissen, domit die sache mocht hingelegt werden. / GStA, PK, HBA, C 2, No 75, f. 1v Bitten derwegen, E(wer) Ir(barkei)t wold es nicht vor ungut ansehen, / das wir uff gedochten tag zw der underhandlung einen unserer secretarien schickten. / Wir segen jo gern, / so vil E(wer) Ir(barkei)t erlich und leidlich, / das disser widerwillen vortragen wurd.

Ewr Ir(barkei)t briffe hab wir vorlengst gen Krako gefertigt, / ouch doneben / was uns der selbtigen E(wer) Ir(barkei)t sache zw gut und furdrung hot nuczlich bedunckt / nicht ane fleis geschriben. / Vorsehen uns im korczen unsers boten widerumb. / Was beÿ deme an uns wirt ko(m)men zwantwurt oder an E(wer) Ir(barkei)t gehorend, / sol E(wer) Ir(barkei)t haben mit den erstenn. /

Meÿster Crÿspin, E(wer) Ir(barkei)t moler, der sich mit seinem mitgesellen / beÿ uns wolgehalten, / bringt E(wer) Ir(barkei)t etliche gemelde, / die superinscribed in place of crossed-out das⌈das die die superinscribed in place of crossed-out das⌉ Ewr Ir(barkei)t / nicht we written over i⌈iee written over i⌉rt(?) misfallen. / Wirt ouch E(wer) Ir(barkei)t berichten, wies uns mit dem amptvorwalter zur Eÿlau ergangen. / Bitten, E(wer) Ir(barkei)t wolde im gestatenn, / das er von E(wer) Ir(barkei)t gemelde nicht wenig stucke zw besehen widerumb mit sich mochte bringen etc.

Von neuen czeitung / hab wir nichts, das E(wer) Ir(barkei)t zwschreÿben wer. / Es ist von Danczke an uns geschriben, / das der konig von Engellandt von einem seiner rittern erstochen solt sein / und sunst vil den von Lubke zw guth. / Czeitung, die aus gunst ko(m)men, / haben wenig glouben. / Bitten derhalben, so aus jennen orttern vil gewissere an E(wer) Ir(barkei)t gelangen, / wolt uns solche mitteilen. / Hiemit gebe Got GStA, PK, HBA, C 2, No 75, f. 2r der almechtig E(wer) Ir(barkei)t in gelugkseliger regirung und zwnemen lange gesuntheit und sein gotliche genad. /

Dat(um) Lobaw, den XVII Augusti anno d(omi)ni 1534.

Io(annes), bischoff zu Culmen etc. s(ub)s(cripsi)t adscribed, in the hand of Dantiscus⌈Io(annes), bischoff zu Culmen etc. s(ub)s(cripsi)tIo(annes), bischoff zu Culmen etc. s(ub)s(cripsi)t adscribed, in the hand of Dantiscus⌉

[1 ] August 24