Letter #5598
Georg von BAYSEN (BAŻYŃSKI) to Ioannes DANTISCUSStuhm (Sztum), 1536-06-10
| received [1536]-06-11 Manuscript sources:
Auxiliary sources:
| ||||||
Text & apparatus & commentaryPlain textText & commentaryText & apparatus
Reverendissimo in Christo Patri et Domino, domino Ioanni Dei gratia episcopo Culmensi, domino suo imprimis observandissimo
Reverendissime in Christo Pater et Domine, domine observandissime.
Servitiorum meorum commendatione praemissa.
Cum in quibusdam negotiis huc veni, retulit mihi dominus Achatius Czema, nepos meus etc., quod, cum nuper fuerit Brunsbergi in causis quorundam dissensionum, convenit eo tempore venerabilem dominum Tidemannum Gyse, custodem Warmiensem in Warmia, cum quo multa commen <ta> tus est de iis, quae dominus Ioannes a Werden nuper egit cum reverendissimo episcopo Warmiensi, prout Reverendissimae Dominationi Vestrae idem dominus Ioannes etc. communicavit, invenitque venerabilem dominum custodem affectum causae. Quicquid {sibi} per reverendissimum episcopum Warmiensem et per nos tres sibi consultum fuerit, id velle sequi exspectaretque intelligere mentem reverendissimi episcopi Warmiensis etc.
Cum ita se res habet, videtur non cunctandum fore propter malam valetudinem reverendissimi episcopi Warmiensis et consultum videtur, cum Reverendissima Dominatio Vestra satis opimum locum inveniet, omnibus abundantem, quod episcopatus Culmensis non habet, ut Reverendissima Dominatio Vestra apud se perpendeat et se gratum erga venerabilem dominum custodem exhibeat, quando casus se offeret.
Si quid mea opera iuvare potero, pronum me offero et me Reverendissimae Dominationi Vestrae commendo.
Quam felicissime supervalere ex animo cupio mei memor <em> .
Ex Sthumis, Sabbato VI-a Sanctae et Individuae Trinitatis anno 1536.
Eiusdem Reverendissimae Dominationi Vestrae obsequentissimus Georgius a Basen etc. palatinus Marienburgensis et Mevensis capitaneus scripsit