» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #5799

Sigismund I Jagiellon to Ioannes DANTISCUS
Vilnius, 1540-07-24


Manuscript sources:
1office copy, AGAD, LL, 8, f. 300r-v
2office copy in Latin, in secretary's hand, AIARFCN, Cancellaria Polonica 1538-1599, p. 149-150
3copy in Latin, 16th-century, BJ, 6560, p. 183-184
4copy in Latin, 16th-century, BJ, 6560, p. 225
5copy in Latin, 16th-century, BJ, 44, f. 80r
6copy in Latin, 16th-century, BG PAN, 1506, f. 64r
7copy in Latin, 18th-century, UBL, Ms 0320, p. 65-66
8copy in Latin, 18th-century, BCz, 278, No. 85, p. 162-163

Prints:
1Sumariusz No. 1799, p. 196 (Polish register)

 

Text & apparatus & commentaryPlain textText & commentaryText & apparatus

 

Episcopo Varmiensi

Reverende in Christo Pater, sincere nobis dilecte.

Quae scribit ad nos Paternitas Vestra de stipendiis, quae Lipsiae debentur iis, qui ex terrris nostris Prussiae propter ingenii cultum capiendum eo proficiscuntur, atque a nobis petit, ut rationem ineamus, qua provideri queat, ut ne stipendia ista intereant, si nemo ex terris Prussiae Lipsiam fuerit profectus, ea abunde intelleximus.

Ceterum quod petit a nobis Paternitas Vestra, id ipsi potius eam, ut faciat, hortamur, rationemque nobis commonstret, qua stipendia ista conservari possint. Nam si alia non est, quam ut libera sit hominibus nostris Lypsiam profectio, etiam atque etiam videat Paternitas Vestra, ne, dum capiti mederi debeat, redivivam curasse videatur, nobis certe minor esse stipendiorum quam animarum iactura videtur.

De ceteris rebus ex litteris reverendi in Christo patris domini Samuelis episcopi Chelmensis et regni nostri vicecancellarii Paternitas Vestra cognoscet.

Datae Vilnae, vigessima quarta mensis Iulii anno Domini millessimo quingentessimo quadragessimo, regni nostri XXXIIII-o.

Ad mandatum regiae maiestatis proprium