BCz, 1596, p. 544

Dem Erwirdigenn in Got, unnserm besondern liebenn Freunt und Nachparn, hern Johansenn bischoffenn zu Ermlannt

BCz, 1596, p. 543

Unnser freuntlich dynnst zuvor.

Erwirdiger yhnn Goth besonnder lieber Freundth / unnd Nachpahr. /

Wÿhr fugenn E(uer) L(ieb) guther wolmeÿnung wissenndth, / das gegenwertiger zeiger Bastiann Junckoffski bey unns umb dinst ansuchenn lassenn. / Nachdem wir aber itziger zeith mith dienernn genugsam versorgeth, / habenn wir seyner bith nicht stadth gebenn koennenn, / warauff ehr unns ihnenn ahn E(uer) L(ieb) weil ehr zuvor auch beÿ denselbenn gedieneth zuvorschreibenn unnderthenigs vleisses angelangth, / des wir ihme dann yhnn ansehung das ein zÿmblich bith abzwschlagenn nicht gewust. /

Ist derwegenn ahnn E(uer) L(ieb) unnser freuntlich bith, / dieselbenn wollenn gedachtenn Jungkoffski so ehs derselbenn gelegenn ihnn dÿnnst ahnnemenn / unnd ihnenn dieser unnser furschrifft gewiessenn lassenn, / das seynnth wir umb E(uer) L(ieb) mith allem nachperlichenn willenn zubeschuldenn geneigeth.

Dat(um) Konigspergk, den 23 Novembris anno 1540 etc.

Von Gottes gnadenn Albrecht margraff zu Brandenburgk, yhnn Preussenn, zw Stettin, Pomernn, der Cassubenn unnd Wendenn hertzogk, burggraff zu Nurnberg unnd furst zu Rugenn