Korespondencja pomiędzy Dantyszkiem i Wawrzyniec MYSZKOWSKI
Spis
Baza danych
Pełny tekst
Znaleziono: 1 zachowanych: 1 + zaginionych: 0 | 1 | IDL 754 |   Wawrzyniec MYSZKOWSKI do Ioannes DANTISCUS, Cracow, 1532-02-20 |
Rękopiśmienne podstawy źródłowe: | 1 | czystopis język: łacina, autograf, ręką pisarza, AAWO, AB, D. 67, k. 119 + f. [1] missed in numbering after f. 119
|
Pomocnicze podstawy źródłowe: | 1 | regest język: polski, XX w., B. PAU-PAN, 8247 (TK 9), k. 32
|
| Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendissimo [in] Christo Patri et Domino, domino Ioanni Dantisco episcopo Culmensi etc., domino gratiosissimo
Reverendissime Domine et domine mihi gratiosissime. Post mei meorumque servitiorum in gratiam Vestrae Reverendissimae Dominationis commendationem.
Ingentes gratiarum actiones ago habeoque Vestrae Reverendissimae Dominationi habiturusque immortales pro tanta gratia et opera, quam adhibuit circa addictionem filii mei in servitium reverendissimo domino cardinali Leodicensi. Quam gratiam et operam Reverendissimae Dominationi Vestrae servitiis meis ex undequaque deditissimis pro animi Reverendissimae Dominationis Vestrae sententia rependere studebo. Fecit hoc siquidem Reverendissima Dominatio Vestra ex sua nativa benignitate et favore, nullis meis servitiis hactenus devicta, faciam tamen quam libentissime posthac, ut operae et laboris Vestram Reverendissimam Dominationem non paeniteat. Non admodum, Reverendissime Domine, probo, quod filius meus pecuniam a Reverendissima Dominatine Vestra acceperit. Quam manere volui apud Reverendissimam Dominationem Vestram, utcumque tamen factum est, nihil improbo, modo filius meus stipendiis suis a domino suo concedendis se foveat et alat. Nam ego illi nullam pecuniam impendere possum, quousque sorores suas, quas numero quattuor habet, quae iam nubiles sunt, cum quibus mihi dos non mediocris impendenda est, nuptui traderem. Quorum nonnullas aulae serenissimae principis nostrae ascire volo, ubi etiam impensam facturus sum non mediocrem. Posthac tamen poterit suae sententiae subscriptum iri. In negotio Reverendissimae Dominationis Vestrae revocationis ad sponsam suam egi et apud serenissimos principes, et senatores huius Regni, quantum potui accuratissime, ita nihil neglexisse viderem, quod boni et arctissimi amici officium expetere videbatur. Et posthac nulla in me mora est futura in his, quae honori et utilitati Vestrae Reverendissimae Dominationi esse censebo. Et cum his me gratiae Vestrae Reverendissimae Dominationis commendo. Quam sanam et felicem ad nos quamprimum advolare cupio pro mei animi summa consolatione. Cui me iterum atque iterum commendo.
Datae Cracoviae, XX Februarii anno Domini M-o D-o XXXII-o.
Eiusdem Vestrae Reverendissimae Dominationis Laurentius Mysskowss[ki] de Myrow castellanus Byeczensis
Postscript:
Dominus thesau
<ra>
rius de Sdylowyetcz die dominico defunctus est. Rex Ioannes indutias obtinuit apud regem nostrum pro parte Walachi, cuius terra per nostros igne ferroque vastata est, nam XIIII incursiones factae sunt per nostros hinc inde, tantummodo tria mil
<i>
aria a Szotczawa nostri fuere. Contingitque in his incursionibus qua[ttuor] centis equis Valachis dissipare nostros. In cet[e]ris nostri milites cum victoria magnum com[mo]dum habuere.
| |
Teksty ze wzmianką o Wawrzyniec MYSZKOWSKI Results found: 3 IDL, 0 IDP, 0 IDT | 1 | IDL 3517 | Jan TARNOWSKI do Ioannes DANTISCUS, Cracow, 1531-07-12 | | 2 | IDL 752 | Cornelis DE SCHEPPER do Ioannes DANTISCUS, Brussels, 1532-02-18 | | 3 | IDL 2704 | Stanisław HOZJUSZ (HOSIUS) do Ioannes DANTISCUS, Piotrków, 1544-02-14 |
|