Unsernn gunstigen grues zuvorann. Ersamer, lieber {freun} Macz.

Wir schicken euch hie unsern diner Lucas mit unsermm wagen und pferden / bittend, das ir indert von dem bestnn reynschnn wein zcwey danczker tonnen, / iczliche in sunderheit, wolt fullenn, / do bey ouch ein fass danczker jung guth bir, / und die samptlich mit unsernn wagen an uns schicken. / Was das wirt geschenn, so ir so vil nicht werdet bey gelde sein, / wolt hern Hansenn von Werden mit beygebundenem brive ansprechen, / der wirts vorlegenn. / Ouch schicke wir ewer hausfrawen XXXV groschen vor die seyde, / danckenn euch vor die butten und andre fisch uns zugeschickt. Wollens wider beschulden. Lebet mit ewer hausfrawenn und allemm geslecht lange gesunt. /

Datum aus unsermm slosse Lobau, den XV Novembris M D XXXVII.