BCz, 1624, p. 94

Denn Hochwirdig(en) / in Got, / Gnedig(en) Hern, hern hidden by binding⌈[n]n hidden by binding⌉ Ioanni / von Gots g(nade)n bysschofe / czu Colmenszeh und hidden by binding⌈[d]d hidden by binding⌉ administrator czu Pomeszan, / un(d) Edlen Erentfesten hidden by binding⌈[n]n hidden by binding⌉ un(d) Wolgebornen Herr(e)n / Achacio Czemen, / danczker hidden by binding⌈[er]er hidden by binding⌉ castellan / un(d) auffm Stume heuptman(n)e, der lan hidden by binding⌈[n]n hidden by binding⌉de Prewsszen ko(nigliche)n rethen / iczundt bynnenn Cracow szeynde, / unszern gnedig(en) vilgunstig(en) hern / un(d) bszundern guten furderern

BCz, 1624, p. 91

Erwirdiger in Gott, / Genediger, / Edler /, Erentfester / und Wolgeborner Hern. /

Unszer ganczwillige und freuntliche dienste / mit ehrbittunge / steter / und beheglicher wilfarunge / szeint Ewer G(nade)n und Herlich(kei)t(en) mit fleisz entfolen. /

Erwirdiger in Gott, / Genediger Edler / Erentfester / und Wolgeborn(er) Hern, / vilgunstige und geliebte furderere / und gonnere. /

Was furstliche / d(urchlauch)t / czu Pommern / an unsz / in der szachen / des begangenen rawbsz, / szo Martini Konfftick eyn jor vorgangen / an den unszern / in ihrer f(urstliche)n g(nade)n landen / begangen / in gnaden geschrieben / haben Ewer G(na)de und Herschaft / ausz hierbey gebundenen briffs und szunst copyen czuvornehmen. /

Es szeyndt aber / dzieszelben / szo bey der tadt gewest, / wie f(urstlich)er d(urchlauch)t brife melden szo hoeck geszesszen, / das ane czutadt / ko(nigliche)r m(aieste)t unszers allergnedigst(en) hern / gancz wenick dorinne fruchtbars / czuvormuten / und were derwegen / szere von nothen / in des ganczen landes namen. / Dieszelbe furstliche brife / ko(nigliche)r ma(ieste)t und die gancze sache vorczutragen und ihre ma(ieste)t dohin czu bewegen / mit dem durchlauchsten hochgebornen fursten / un(d) hern / hern Ioachimo von Gots genad(en) / churfursten czu Brandenburg etc. vornehmen / und underrehdunge czu haben / und doreyn czubeleisten (wie f(urstlich)e d(urchlauch)t czu Pommern mit ihrer g(nade)n lieben hern vatern / dem alten churfursten alrete getaen / aber durch tödtlichen abeganck vorhindert) eyne gemeine tagleistunge BCz, 1624, p. 92 czuberamen / und einczuszetczen / und dieszelbe myt ihrer ma(ieste)t egenenn / dorczu deputierh ehrlichen bothschafften / czu beschicken. / Domith durch ko(nigliche)r ma(ieste)t czuthaet die szach / so vill anszichtiger / auch mit mehrem ernst / vorgestalt un(d) czu trost / ihrer ma(ieste)t underthaen getriben mocht werd(en). / Wyr wolten / czu gelegener benanter czeit / wen uns dieszelbe angekundigen unvorgesszen szeyn / die unszern / och dobey czu haben / un(d) neben ko(nigliche)n szendeboten / die szache der uberfahrunge / un(d) der nhame helffen furdern. /

Derwegen ist an Ewer G(na)de und Herlick(ei)t / unszere dienstliche / und freuntliche bitt / und fleissig synnen / Ihre G(na)de un(d) Her(lichkei)te wellen szich / gemeiner landtschofft / und landes eynwonern / czu guthe / nicht besweren / und dysz thuen / czu gedocht(er) meynunge / wie dasszelb / f(urstlich)e d(urchlauch)t czu Pomern / un(d) wyr auch dyszmal / un(d) szunst / wie wyr / nicht andersz wysszen / die hern / von den lang / bey ko(nigliche)r ma(ieste)t vortgestalt. / Och alszo furdern / und die wege / czu der tagelestung bey ihrer ma(ieste)t bereiten un(d) czurichten. /

Domit entlichen / alszo dorein geszehen, / das dergleiche buberey / vorwart / un(d) ab gethaen / und ihrer ma(ieste)t lewt(en) sych hinfur / nicht szo groben un(d) mordtlichen ubelfalsz / czubefahren haben. /

Dasszelb um(m)b Ewer G(nade)n und Her(lichkei)t czuvordienen / und ganczen fleisszen czuvorschulden wollen wyr willick / und BCz, 1624, p. 93 bereit (dem Alme paper damaged⌈[e]e paper damaged⌉chtigen Ewer G(nade)n und Her(lichkei)t czu langen geszung tagen / szelicklichen entfalen) befunden werden. /

Dat(um) Danczick, am XXV-st(en) tage Augusti an(n)o etc. XXXV.

Ewer G(nade)n und Her(lichkei)te guthwillige burgermeister un(d) radtma(n) der / stadt Danczick