BCz, 1595, p. 102

Reverendissimo in Cristo Patri ac Domino, domino Ioanni Dei gratia electo et nominato presuli Colmensi, domino suo gratiosissimo.

BCz, 1595, p. 101

Meynenn gancz wyllig(en) und unvordrosszen steten dÿnsth noch meyne(m) hogest(en) vormogen allezeytt zcuvoran wyllig(?) bereyth.

Genediger Herre.

Ich fug(e) Ewere(n) Gnad(en) zcu wysszen, dos ich hochlich erfrowet bynn wordenn(n) samth meyner frowen E(wer) G(naden) gesuntheytt und schreybe(n). Byn derweg(en) danckbaer der szeltig(en) gutte zceytung(en) und weer noch grosszer erfrowth, das ich E(wer) G(naden) gesunth szeen und sprechen muchte. Szo byn ich och gancz hochlich erfrowet, E(wer) G(naden) gluckszelig(en) standes des bisschoffthumes. Der almechtig(e) Gott vorleyer(!)[1] E(wer) G(naden) myth langer, szeliger gesuntheytt[2] zcu besitcze(n), das myr von herczen lypp isth. Und ist myr me(?) eyn grosszer trost, das E(wer) G(naden) uns mues neher kome(n), wente mich und den ewerenn(n) gar lange zceyt donoch vorlangget hott und alle unsze trowricheytt in frolochunge wyrth gewanth. Der almechtige Gott gebe, das wyrs alle gesunt yrleben mogenn(n).

Vonn newger zceytunge szol ich woll schreyben. Wes besunders nicht. Vorhoffe mich von E(wer) G(naden) szelber zcu hore(n), nemlich von Martino Lotther(us), app hers hot gut adder bosze gemacht, wyrth nu befunden werden(n).

Und bevele paper damaged⌈[e]e paper damaged⌉ hyemith E(wer) G(naden) Gothe dem almechtigen langge weyle gluckszelick gesunth.

Datum Danczk(e), secunda Iunii anno 1530.

E(wer) G(naden) undertheniger unde guthwylliger Macz Plat(en)

[1 ] vorleyer instead of vorleye, or perhaps for vorleye er

[2 ] szeliger gesuntheytt sequence changed from gesuntheytt szeliger with transposition marks