Her Zcemen

Unsernn etc.

Uns ist negst Ewer Herlichkeit schreiben geworden, / da mit uns ancze[i]get, / das die in der Lismanyn sache neben uns und andrenn mit commissarius ist, / des wir n[icht] kleinen gefallenn tragen. / Wir wolten aber vil lieber, / das in unser stelle geseczt were, / disser sachen an koniglichem hove erster angepenn. Was die stelle und czeit, / die commission vorzunemenn, / betrifft, hab wir nicht fueglicherr wissen zu seczen, / dan wie Ewer Herlichkeit aus der citacion wirt vornemenn. / Were die mostrung nicht vorhan[den] gewesen, / heth man den tag zceitlicherr / und die stelle anderwo mugen benennenn etc. Die zceitunge, / das vil hern aus der Cron mit der jungen koniglichen majestet in Groferstumb sich haben begebenn, / achtenn wir / noch gelegenheit disser gelewffte ir koniglichen majestet nottig und nuczlich etc. Bey uns ist dergleichen nichts. / So was an uns gelan[t], wolle wir Ewer Herlichkeit, / die wir gotlichen gnaden befelnn, ... nicht vorhalten.

Datum aus unserm schlosse Heilsberg, den ersten Augusti MD XLV.