Freuntlichnn, bruderlichnn grues zuvorann.

Edler, gestrenger her, freuntlicher lieber bruder.

Aus ewrem negsten schreibnn hab ich vorstanden, das ir mit ewer hauswirtschafft so vil zu thun habt, das ir nicht allenthalbenn der brive, die an euch komenn, und denn selbten antwurt zu gebenn mugt gewartenn, ... ich guttnn gloubnn ...ebe. In meinemm negsten schreibenn durch Moriczen an euch gegebenn hab ich mich entschuldiget, / das ich die zcwe hundert ungarisch gulden ... so vil zu geringe ... wesen, nicht mit fleis unser anderenn ... bey mir wenig ...rin hab ausgesucht. / Ich hab die bey zcwen und dreyen, wie man die hot mugen uberkomenn, / lossen uff kouffen und zu voller wicht beczalenn, / der wegen ich negstnn gebetenn, / ir wolt mir ein stucklen bley der Krokischen gelt wicht geleich sendenn, / do mit , / so ich abermols gulden losse wechselnnn, unbetrogen muge bleibnn. / Bit solchs noch wolt thun, / so weit ewre hausgescheffte euch nicht vorhindrenn. / Es ist mir zuvor ouch geschen, das unser ungarisch gulden aus Preussnn zu Krako die gewicht nicht haltenn. / Ich weis nicht, abs der lufft schult ist etc.

Vor die newe zceitungen thu ich euch dancken. / Wolt bey dissen botenn des hern von Colmese dergeleichenn, / so was newes vorhanden, / mir mitteilenn etc. Das aber der Kaczyaner zum Turken ist gewichenn, / wil nymer ... zu gut sein. / Der her von Lunden vor eym jor zu Bresla sagt mir, das kayserliche majestet vil in der sache dem Kaczyaner zu gut het lossen handlenn. Was zu hefftig wirt vorgenomenn, komp... selten zu ... ende etc. Hie mit in alter bruderliche... Gote befolnn. /

Datum den ersten tag Au[gusti] Heilsberg MD ....