AAWO, AB, D.96, f. 137v

Dem Hochwirdigsten in Got Furstenn, eddelen wolgebornen ge stain⌈[ge]ge stain⌉strengen unnd erentfesten herren herrn Iohanni von Gotis g stain⌈[otis g]otis g stain⌉naden des löblichen stichts Ermelandt, / herrn Tydemano stain⌈[no]no stain⌉ des löblichen stichts Culmen bisschoven, / herrn Achatio Zcema stain⌈[a]a stain⌉ dantzker castellano und aufm Stume etc., / herren Nicolao Dzya stain⌈[Dzya]Dzya stain⌉linskÿ colmishem castellano und auffm Strosperg hauptmannen, ko(nigliche)r ma(iesta)t der lande Prussen rethen itzund stain⌈[d]d stain⌉ zcu Crake, / unsern gnedig(en) gunstig(en) herren samptlichenn unnd sunderlichenn

AAWO, AB, D.96, f. 137r

Hochwirdigste inn Gott Furst, / Eddele Wolgeborne Gestreng unnd Erenntfeste Gennedige unnd Grosgunstige Herrenn, / gutte fordere unnd besunder freunde. /

Unnser unvordrossene unnd behegliche diennste seindt E(wer) H(ochwirdige) G(nade) unnd Her stetz zcuvorann entpholenn. /

Gennedige unnd Grosgunstige Herrenn. /

Aus furderung eines etzlichen unsers unnd dieser stadt obligens seindt wir bedacht wurdenn denn erhafftigen unnd fastgelartenn / m(agistrum) Thomam Schauenengell unsernn secretarium, zceiger dieses brieffs, ann E(wer) H(ochwirdige) G(nade) unnd Her zcufertigenn, / wie wir auch denselbigen mith genugsamer unsers gemuts und befehl(en) instruction inn crafft dieses abfertigenn, / Ewer H(ochwirdige) G(nade) unnd Her dinstlichs vleisses bittende, sie wollen demselbig(en) unserm geshickten genedig und gunstig gehoer unnd in alle deme iennigen, was er also in unserm namen reden unnd werben wirt(en) volkomlichen unnd gentzlichen glauben gleich wie uns selbst. Do wir zcur stette werenn gebenn unnd zcukerenn unnd zcu letzt mith tröstlichem gennedigem besheide mith den ersten widderum(m)b an uns gelangenn losszenn. /

Desselbige um(m)be E(wer) H(ochwirdige) G(nade) unnd Her (die Gott lange gesundt unnd szeliglich fristenn wölle) samptlich unnd sunderlichen im grosszeren zcu vordinen wollenn wir stetz in ungespart(en) fleissze befunden werdenn. /

Dat(um) Danntzigk, den / 25 / April(is) a(nn)o 43.

E(wer) H(ochwirdige) G(nade) unnd Her bereitwillige burgermeistere unnd rathmanne der stadt Danntzigk