Aus E(wer) L(ieb) mannigfeltigenn schrifftenn, desgeleichenn aus bericht des ernvhestenn, unnsers heuptmanns zur ⌊Mimmell⌋ raths unnd liebenn getrewenn ⌊Georgen Clingennbeckenn⌋ habenn wir derselbenn getrewen vleis furderung unnd sollicitirn, so dieselb in unnsernn henndelnn gethann unnd noch teglichs thun, genugsam vermerckt, / auch itzo durch unnsers bruders marggraff ⌊Georgenn⌋ schreiben eingenohmmenn, das Clinngennbeckenn schrifftenn unnd enntschuldigung, so er fur sein p(er)sonn gethann, vermittelst E(wer) L(ieb) furderung offenntlich vor den ⌊reichstenndenn⌋ gelesenn, desselbenn wir unns dann gegenn E(wer) L(ieb) in aller freuntschafft thun bedanncken / mit erpietung, woe der almechtige Got der tag einst fugenn wurdt, das sich E(wer) L(ieb) inn ir ⌊bistumb⌋ begebenn werdenn, denselbenn widerumb allenn freuntlichen unnd nachparlichenn willenn zuer zeigenn, unnd sein der tröstlichenn zuvorsicht, E(wer) L(ieb) werdenn in unnser henndell unnd das jhenig, so bey ⌊kay(serliche)r ma(ieste)t⌋ auszurichtenn, / wie dan E(wer) L(ieb) aus Cling written over e⌈egg written over e⌉ennbecks schreibenn hierbey zuvornehmenn, ufs treulichst lassenn bevholenn sein. Unnd so dieselb etwas, / das unns unnsernn ⌊lanndenn unnd leuthenn⌋, oder aber auch unnsernn freuntlichenn, liebenn herrenn und vater ⌊ko(nigliche)r w(irde) zu Dennemarck(en)⌋ etc. zu beschwerung gereichenn möcht, / vermerck(en) unnd erfhurenn, / unns dasselb ins furderlichst anzuzeigenn. / Unnd so seiner ⌊ko(nigliche)n w(irde)⌋ gesannte irgennts bey E(wer) L(ieb) ankommenn unnd derselbenn raths unnd hülff begerenn wurdenn, / E(wer) L(ieb) werdenn in dennselbenn sampt aller freuntlichen furderung mitzutheilenn sich nit bevhilenn lassenn etc.
Was anlangende ist doctor ⌊Johann Reyneck⌋ vonn ⌊Hamburgk⌋, ist unns nit zuenntgegenn, / das sich derselbig zu seiner gelegennheit alher zu unns verfuge. / Unnd so wir unns mit yme seiner unnterhaltung unnd besoldung halbenn vertragenn konnen, / wollenn wir ynen gernn zu unnsernn diener, / ya auch vor anndernn, / annehmenn. / Woltenn wir E(wer) L(ieb) auffderselbenn ⌊⌋ in anntwort hin widerumb nit vorhaltenn, dann E(wer) L(ieb) freuntliche dienste unnd gute nachparschafft zuerzeigen seindt wir geneigt.
Vonn Gots gnaden ⌊Albrecht⌋, maggraff zu ⌊Brandenburgk⌋, in ⌊Preussenn⌋, zu ⌊Stettin⌋, ⌊Pomern⌋, der ⌊Cassüben⌋ unnd ⌊Wendenn⌋ herzog, burggraff zu ⌊Nurmbergk⌋ und furst zu ⌊Rügenn⌋
AAWO, AB, D.90, f. [1v after f. 39]
AAWO, AB, D.90, f. [1r after f. 39]