» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #761

Bona Sforza to Ioannes DANTISCUS
Cracow (Kraków), 1532-03-02
            received Regensburg, [1532]-04-25

Manuscript sources:
1fair copy in Latin, in secretary's hand, author's signature, BCz, 3465, p. 219-224
2copy in Latin, 18th-century, BCz, 284, No. 73, p. 208-210
3copy in Latin, 18th-century, BCz, 47 (TN), No. 54, p. 169-170

Auxiliary sources:
1register in Polish, 20th-century, B. PAU-PAN, 8247 (TK 9), f. 43

Prints:
1AT 14 No. 116, p. 183-184 (in extenso; Polish register)

 

Text & apparatus & commentaryPlain textText & commentaryText & apparatus

 

BCz, 3465, p. 219

Bona Dei gratia regina Poloniae, magna dux Lithuaniae, Russiae, Prussiae, Masoviae etc. domina

Reverende in Christo Pater, sincere nobis dilecte.

Proximis diebus scripsimus S(trenuita)ti or S(incerita)ti⌈S(trenuita)tiS(trenuita)ti or S(incerita)ti⌉ Tuae latam esse contra nos sententiam in Consilio Collaterali de Monte nostro Serico, eius tamen exemplum, quod tum propter celeritatem non missum nobis erat, Tuae S(trenuita)ti or S(incerita)ti⌈S(trenuita)tiS(trenuita)ti or S(incerita)ti⌉ non misimus. Nunc, ubi primum allatum est, etiam iis nostris inclusum mittimus. Decretum equidem est in praeiudicium nostrum, sed certo nobis persuadebamus ita futurum, fiscum enim regium contra se ipsum nihil agere statuereque consuevit et officiales illi adversa nobis semper moliuntur. Roget igitur S(trenuitas) or S(inceritas)⌈S(trenuitas)S(trenuitas) or S(inceritas)⌉ Tua caesareae catholicaeque maiestatis gratiam promissam, ut nobis Mons noster, quo illustrissima mater nostra pacifice usa est, restituatur. Meruimus et in posterum merebimus ms. r(!) ⌈ss ms. r(!) ⌉ hanc gratiam officiis omnique studio nostro illius suae maiestati. De rebus aliis ac dohanis satis iam scripsimus S(trenuita)ti or S(incerita)ti⌈S(trenuita)tiS(trenuita)ti or S(incerita)ti⌉ Tuae, quam omnibus ex sententia expeditis sanam redire cupimus.

Cracoviae, II Martii M-o D-o XXXII-o.

Bona regina subscripsit

Enclosure:

BCz, 3465, p. 222

Copia

In Dei nomine, amen. Alfonsus Davalos ab Aquino etc. Unde nos, qui supra, in causa vertente coram nobis in regia camera summarie inter serenissimam reginam Poloniae ex una parte et regium fiscum ex altera de et super petitione restitutionis possessionis defensae nominatae de Sancto Laurenczo cum pertinentiis suis, sitae in territorio de Monte Serico et aliis prout in processu continetur, viso processu super huiusmodi causa in dicta regia camera facto et meritis probatorum in eo et facta de eisdem relatione illustrissimo et reverendissimo domino cardinali Columnae locum tenenti generali huius regni in regio collaterali consilio, visis denique videndis, attentis attendendis et consideratis considerandis habitaque super his matura deliberatione cum consilio diligenti per ea insuper quae vidimus et inspeximus animumque nostrum et cuiuslibet recte iudicantis et Deum timentis movent movereque possunt et debent Christi et Beatae Mariae Virginis, eius gloriosissimae matris, nominibus invocatis, de quorum vultu recta iudicia procedunt et oculi iudicantium respiciunt veritatem, sacrosanctis quattuor Evangeliis coram nobis praepositis et per nos reverenter inspectis per hanc nostram definitivam sententiam dicimus, pronuntiamus, sententiamus, decernimus et declaramus regiam curiam dictumque procuratorem regii fisci absolvendam et absolvendum liberandamque et liberandum fore et esse ac absolvi et liberari debere, prout per praesentes absolvimus et liberamus ab impetitis per dictam s written over r⌈rss written over r⌉erenissimam reginam principalem ut principalem et Ioannem de Palo eius procuratorem ut procuratorem dictamque regiam curiam conservari debere prout ipsam per hanc nostram definitivam sententiam conservamus BCz, 3465, p. 221 in sua possessione pasculandi animalia regiae curiae in dicta defensa Sancti Laurencii cum iuribus et pertinentiis suis, neutram partium in expensis condemnantes ex causa, hanc eandem nostram definitivam sententiam taliter in his scriptis proferentes notatis.

Lecta, lata et recitata fuit praesens sententia die XVI mensis Ianuarii 1532.

Copia sententiae de Monte Serico.