Korespondencja pomiędzy Dantyszkiem i Quirinus GALLER
Spis
Baza danych
Pełny tekst
Znaleziono: 3 zachowanych: 2 + zaginionych: 1 | 1 | IDL 471 |   Quirinus GALLER do Ioannes DANTISCUS, Rome, 1530-03-12 | odebrano Augsburg, 1530-12-06
Rękopiśmienne podstawy źródłowe: | 1 | czystopis język: łacina, autograf, AAWO, AB, D. 67, k. 12
|
Pomocnicze podstawy źródłowe: | 1 | regest język: polski, XX w., B. PAU-PAN, 8246 (TK 8), k. 103
| | 2 | regest język: polski, XX w., B. PAU-PAN, 8246 (TK 8), k. 112
|
| Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendissimo in Christo patri ac magnifico domino, domino [Ioanni] [D]entisco(!), episcopo Culmensi, serenissimi [regis Poloniae] ad caesaream et regiam maiestatem [oratori, domino] suo gratioso
Reverendissime in Christo pater et domine, domine gratiose. Humillimam meam commendationem et servitia mea perpetua.
Posteaquam litterae apostolicae super ecclesia Culmensi expeditae erant, incidi infirmitatem, quod cum bullis ad Paternitatem Vestram Reverendissimam non dederim litteras. Iam accepi commissionem a magnifico domino Anthonio Fuggero, quod nomine suo pro residuo in termino Paschatis persolvendo fideiuberem, et dominum doctorem Stanislaum a sua obligatione relevarem. Cum autem Paternitas Vestra Reverendissima intendat petere a sanctissimo domino nostro et sacro collegio reductionem seu remissionem annatae, consultum videbatur mihi, obligatio in persona domini doctoris Stanislai maneat, id forsan magis conducet ad
impetrandam
gratiam remissione alicuius partis, quam si domini Fuggeri obligati forent. De quo dominus Stanislaus contentus tol{l}eret pro bono respectu obligationem in persona sua, a qua quando opus erit, semper liberabo et nomine dominorum meorum promittam pro Paternitate Vestra Reverendissima, quae felicissime valeat.
Ex Urbe, die XII Martii MDXXX.
Dominationis Vestrae Reverendissimae deditissimus servitor Quirinus Galler
| | | 2 | IDL 6971 | Ioannes DANTISCUS do Stanisław RZECZYCA & Quirinus GALLER, Brussels, 1531-10-26 List zaginiony | odebrano 1531-11-23
List zaginiony, mentioned in IDL 729: Quirinus Galler, dominorum de Fukeri negotiorum gestor, litteras Vestrae Paternitatis Reverendissimae ex Bruxellis 26 Octobris datas 23 Novembris mihi reddidit, quas utrique nostrum inscriptas legimus. | | | | 3 | IDL 789 |  Quirinus GALLER & Stanisław RZECZYCA do Ioannes DANTISCUS, Rome, 1532-05-15 | odebrano Regensburg, [1532]-06-10
Rękopiśmienne podstawy źródłowe: | 1 | czystopis język: łacina, autograf, podpis własnoręczny, BCz, 243, s. 223-228
| | 2 | ekscerpt język: łacina, XX w., B. PAU-PAN, 8247 (TK 9), k. 70
|
Publikacje: | 1 | AT 14 Nr 241, s. 388-390 (in extenso; polski regest) |
| Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendissimo Domino, domino Ioanni Dantisco, episcopo confirmato Culmensi, serenissimi regis Poloniae apud caesaream maiestatem oratori, domino observantissimo
In curia maiestatis caesareae
Reverendissime Domine, domine observantissime.
Post osculum manus Vestrae Dominationis Reverendissimae ac servitiorum meorum devotam commendationem.
Post tot et tantos mearum molestiarum anfractus, ex fideiussione in Vestrae Dominationis Reverendissimae ecclesiae expeditione subsecutos, tandem De<o> volente liber sum factus. Parcat Deus bonae memoriae cardinali defuncto, qui, antequam cum domino Quirino Galler, magnificorum dominorum de Fuggeri negotiorum gestorem, per auctoritatem oratorum caesaris ac serenissimi regis Romanorum apud papam pro reductione ecclesiae Culmensis ad taxam minorem negotium conficimus, ecclesiam Culmensem instante domino Colardi et pro residuo cavere volente proposuit et Vestram Dominationem Reverendissimam pronuntiari et confirmari apud papam consistorialiter obtinuit. Facta pronuntiatione reductioni Vestrae Dominationis Reverendissimae ecclesiae ad valorem seu taxam minorem non erat locus. Haec sola causa tantae summae, in expeditionem Culmensem pro Vestra Dominatione Reverendissima insumptae, fuit. Utinam Vestra Dominatio Reverendissima nulli alteri, dumtaxat mihi et domino Quirino negotium expeditionis commisisset, fortassis per auctoritatem oratorum praedictorum ducatos 600 seu 800 diplomata ecclesiae Vestrae Dominationi Reverendissimae expedivissemus, ne<c> ego tot angustiis fuissem oppressus.
Mitto Vestrae Dominationi Reverendissimae computum ultra ducatos 559 Iul. 5, pro quibus fideiusseram, expositurum, manu domini Quirini et mea subscriptum, ex quo Vestra Dominatio Reverendissima intelliget, in quem usum pecuniae ex banco dominorum de Fuggeri levatae sint conversae et fideliter numeratae, quae profecto praesertim in annata ducatos 700 et ultra cum dolore magno
{magno} meo et domini Quirini sunt expositae, namque nisi ecclesia Vestrae Dominationis Reverendissimae adeo praecipitanter fuisset proposita, Vestrae Dominationi Reverendissimae bonam fecissemus frugem. Valeat Vestra Dominatio Reverendissima felicissime, quam optamus Deus salvet.
Vestrae Dominationis Reverendissimae servitor Quirinus Galler
Stanislaus Rzeczicza
Postscript:
Negotium, in quo ad Vestram Dominationem Reverendissimam forsan ultima Aprilis per cursorem litteras dedi, Vestrae Dominationi Reverendissimae sit cordi, quod si ad optatum finem deducetur, Vestra Dominatio Reverendissima optima fruge non carebit.
Enclosure:
Item expeditio bullarum confirmationis Culmensis pro reverendissimo patre domino Iohanne Dantisco electo facta ascendit ad ducatos mille centum quinquaginta novem, Iul. quinque, ad quos reverendissimus dominus cardinalis Sanctorum Quattuor habuit ducatos sexingentos et pro residuo dominus Stanislaus Retzitza paenitentiarius Polonus se obligavit. Deinde officialibus cancellariae pro communi seu annata ecclesiae Culmensis et bullae retentionis ac minutis servitiis et aliis iuribus officialibus solutum fuit residuum ducatorum 559. 10.
Item pro portatura unius fasciculi litterarum cum expeditione solutum fuit Balthasaro Olgiate Welserorum agenti ducatos 2.
Item notario pro examine testium super habilitate domini Ioannis
Dantisci electi et situatione ecclesiae Culmensis ducatos 4.
Item domino Henrico Bussbyo, scriptori apostolico et summistae pro
summario de mandato reverendissimi domini cardinalis Sanctorum Quattuor ducatos 15.
Item pro expeditione brevis prorogationis de non consecrando, pro supplicatione, minuta et taxa ducatos 5.
Item sollicitatori reverendissimi domini cardinalis Sanctorum Quattuor de
mandato pro sollicitatura ducatos 20.
Item pro expeditione alterius brevis prorogationis pro praefato domino electo Culmensi duactos 6.
Item pro quietantia collegii et cassatione obligationis ducatos 8.
Ducatos 619. 10.
Ita est. Ego Stanislaus Rzeczicza manu mea propria fateor.
Ita est. Quirinus Galler subscripsit
| |
Teksty ze wzmianką o Quirinus GALLER Results found: 21 IDL, 0 IDP, 1 IDT | 1 | IDL 5856 | Anton FUGGER do Ioannes DANTISCUS, Augsburg, 1531-11-23 | | 2 | IDL 729 | Stanisław RZECZYCA do Ioannes DANTISCUS, Rome, 1531-12-20 | | 3 | IDL 5865 | Anton FUGGER do Ioannes DANTISCUS, Augsburg, 1532-02-07 | | 4 | IDL 781 | Stanisław RZECZYCA do Ioannes DANTISCUS, Rome, 1532-04-29 | | 5 | IDL 3532 | Stanisław RZECZYCA do Ioannes DANTISCUS, Rome, 1532-04-29 | | 6 | IDL 1023 | Stanisław RZECZYCA do Ioannes DANTISCUS, Rome, 1533-10-20 | | 7 | IDL 1130 | Stanisław RZECZYCA do Ioannes DANTISCUS, Rome, 1534-03-15 | | 8 | IDL 4289 | Georg HEGEL do Ioannes DANTISCUS, Cracow, 1536-03-14 | | 9 | IDL 4521 | Paweł PŁOTOWSKI do Ioannes DANTISCUS, Frauenburg (Frombork), 1537-12-26 | | 10 | IDL 4552 | Paweł PŁOTOWSKI do Ioannes DANTISCUS, Frauenburg (Frombork), 1538-01-21 | | 11 | IDL 1832 | Sigismund I Jagiellon do Ioannes DANTISCUS, Piotrków, 1538-02-06 | | 12 | IDL 4556 | Jan CHOJEŃSKI do Ioannes DANTISCUS, Piotrków, 1538-02-15 | | 13 | IDL 5934 | Georg HEGEL do Ioannes DANTISCUS, Cracow, 1538-05-31 | | 14 | IDL 3670 | Tiedemann GIESE do Ioannes DANTISCUS, Löbau (Lubawa), 1538-06-11 | | 15 | IDL 1871 | Ioannes DANTISCUS do [Tiedemann GIESE], Hohenstein (Olsztynek), 1538-07-12 | | 16 | IDL 1936 | Tiedemann GIESE do Ioannes DANTISCUS, Löbau (Lubawa), 1538-10-07 | | 17 | IDL 5639 | Dietrich von RHEDEN do Ioannes DANTISCUS, Rome, 1538-11-23 | | 18 | IDL 99 | Paweł PŁOTOWSKI do Ioannes DANTISCUS, s.l., [shortly before 1539-09-16] | | 19 | IDL 61 | Paweł PŁOTOWSKI do Ioannes DANTISCUS, s.l., 1539-09-24 | | 20 | IDL 2555 | Stanisław HOZJUSZ (HOSIUS) do Ioannes DANTISCUS, Vilnius, 1542-03-31 | | 21 | IDL 2646 | Anton FUGGER do Ioannes DANTISCUS, Augsburg, 1543-05-22 |
| 1 | IDT 729 | Kaspar HANNAU do Ermland (Warmia) Chapter Rome 1540-09-26 |
|
